مـا عاد يمديني ..
لمي شتات وشتتتي ما تلمين
لو كنت صعب اللملمة لملميني
لو كنت صعب اللملمة تستطيعين
لو اني اصعب مسألة حاوليني
لو كنت صعب الحل واحد من اثنين
ياجمعيني صح ياجمعيني
لاني كذا والا كذا شايف الشين
لصرت متعذب كذا عذبيني
لا تحرقين بجمرة البعد والبين
انت بقربك قادرة تحرقيني
لاتسمعين الحاقدين الحسودين
اللي لهم يسراي كنها يميني
ماعاد يمديني ادور مزايين
سدي فراغ اللي بقى من سنيني
ماعاد يمديني وعمري ثلاثين
ازعلك وارضيك وتزعليني
هذا رجاي وبسمع الرد ذالحين
اما اقهري الانذال والا قهريني
- عبدالله علوش
ليست هناك تعليقات